Ministri i Brendshëm, Samir Mobeideen dhe ministri i Drejtësisë Bassam Talhouni në Jordani janë pushuar ditën e sotme nga puna për shkak se shkelën masat anti-Covid. Ata morën pjesë në një mbrëmje në një restorant dhe shkelën kështu rregullat e vendosura nga qeveria. Shkelja e rregullave nga ana e tyre e shtoi edhe më tepër indinjatën e njerëzve të zakonshëm në lidhje me gjobat e majme të vendosura mbi ta, ndërkohë që zyrtarët nuk ndëshkohen për të marrë pjesë në darkat dhe takime më shumë se 20 të ftuar të lejuar. kjo bëri që qeveria të reagonte dhe të merrte masën drastike ndaj dy zyrtarëve.
Sipas rregullave të reja në vend, kushdo që nuk mban maskë në publik mund të gjobitet deri në 140 dollarë, e cila është një shumë e konsiderueshme në një vend relativisht të varfër ku pandemia e ka çuar papunësinë në nivele rekord. Qeveria ka vendosur gjithashtu më shumë personel ushtarak në disa pika kontrolli për të monitoruar zbatimin e masave anti-Covid.
Burimi:Reuters|Përktheu dhe Përshtati: JOQ Albania
