Ditën e sotme Rama ka folur për përgjimet e Ndranghettës, ku del në skenë emri i Lali Lekut, që ‘rrumbullakoset’ me 20%. Rama është shprehur se kjo është një tymnajë, dhe prokuroria italiane ka nxjerrë konkluzionet. Sipas tij i vetmi investim që është hetuar edhe nga italianët është një dyqna rrobash pune.
Rama tha:
Sipas Prokurorisë italiane që po e citoj: Pas më shumë se një viti udhëtimesh në Tiranë, për investime që do të bëheshin në Shqipëri ata dështuan totalisht, dhe i vetmi investim që bën ishte ai për një dyqan rrobash pune, që doli kryesisht me humbje. Ky është citim nga konkluzionet e Prokurorisë italiane. Ky është një turp që i mëshiron më së miri ata që e ushqejnë këtë lloj qasje, dhe mendjen për t’ia bërë nënen këtij vendi e kanë prioritet. Nuk ka asnjë fakt, asnjë lidhje, asnjë provë asgjë. Është e neveritshme dhe unë realisht nuk kam asgjë për të thënë për këtë. Merrni të gjitha ato mijëra faqe, pijuani lëngun, për t’i bërë shqiptarët për të vjellë.