Pas gati një viti arrati është arrestuar shqiptari i identifikuar si Mariglen M. 32 vjeç, i cili akuzohet për vrasjen e një kamarieri turk në Leipzig të Gjermanisë. Kujtojmë se ngjarja e rëndë u regjistrua në gusht të vitit 2019, ku pas një konflikti fizik, shtetasi turk i identifikuar si Emrah K., 24 vjeç u qëllua nga shqiptari.
Bëhet me dije se Emrah ishte baba i dy fëmijëve, ndërsa ngjarja ndodhi pas një zënke për punë basti. Pas ngjarjes, policia kriminale gjermane i dërgoi bashkëshortes së viktimës gabimisht edhe emrin e autorit të krimit në qesen me materialet që i përkisnin të shoqit. Sonya K. nisi të hetonte vetë dhe zbuloi se vrasësi i të shoqit ishte një shqiptar. Ai njihet me emrin Andreas T. Por mësohet se ky emër nuk është i vërtetë pasi ai jetonte në Gjermani prej vitesh me dokumente të falsifikuar. Vrasësi i vërtetë quhet Mariglen M.
Bashkëshortja dhe viktima e ekzekutuar nga shtetasi shqiptar:
Burimi: bild.de/Përktheu dhe përshtati: JOQ Albania