Një ngjarje e rëndë u regjistrua mbrëmjen e djeshjme në Durrës, ku mbeti i vrarë 32-vjeçari Jetmir(Edmond) Bregu i njohur edhe me emrin Ilir Kuçi. Ai mbeti i ekzekutuar në vendngjarje. Sipas FaxNews, mësohet se viktima ishte i martuar dhe baba i një djali, ndërkohë që lidhur me ngjarjen janë shoqëruar derimë tani 10 persona, që mund të kenë dijeni për autorët. Ndërkohë mësohet se viktima ishte duke hipur në makinën e tij në momentin kur është qëlluar me breshëri kallashnikovi nga dy persona, të cilët kanë qenë në një makinë në lëvizje. Për pasojë Bregu ka marrë dëmtime në kokë, në gjoks dhe në këmbë, ndërkohë që janë tre pistat e hetimit për këtë vrasje. Pista e parë ku po hetohet ka të bëjë me konflikte jashtë shtetit. Pista e dytë është prishja e ndonjë pazari dhe pista e tretë është ndonjë sherr i ditëve të fundit që mund të ketë çuar deri në këtë pikë.