Për të shtatën herë radhazi Atletico Madrid është ekip i papërmbajtshëm në kampionatin spanjoll, duke treguar se është një nga pretendentët kryesorë për fitimin e La Liga. Ndeshja e sotme kishte një sfidë jo të lehtë mes Atletico dhe Valencias. Që në pjesën e parë ekipi i Simeones pësoi një gol. Ndërkohë, Serbi Raccic shënoi një super gol në minutën e 11-të, duke tronditur madrilenët. Por, avantazhi nuk zgjati shumë, pasi për këtë mendoi talenti portuguez Joa Felix që barazoi në minutën e 23-të. 45 minutat e para u mbyllën me një barazim mes dy ekipeve, ndërsa pjesa e dytë solli dhe furinë e lojtarëve të Alteticos që donin të gjenin golin e avantazhit.
Ai erdhi pikërisht nga Luis Suarez në minutën e 54-të. Tashmë një çlirim për ekipin e Simeones. Qetësia do të vinte në minutën e 72-të nga Correa. Një fitore e rëndësishme që i lejon ekipit të Atleticos të ruajë distancën nga Real Madrid me 7 pikë. Kujtojmë se ekipi i Simeones ka 47 pikë, por me një ndeshje më pak se sa Reali dhe Barcelona, kjo e fundit me fitoren e sotme 2-0 ndaj Elche ka 37 pikë.
