Këngëtari me origjinë shqiptare, Durim Morina i njohur ndryshe si ‘Mirudi’, i cili mori pjesë në “Festivalin e Këngës” me këngën “Nëse vdes” ka tërhequr vëmendjen e mediave dhe komentete e fansave të tij për veshjen me të cilën u prezantua. Në natën e parë të festivalit ai u shfaq me një kostum të veçantë dhe për shkak të modelit me prerje si fustan, ai shumë komentues e kanë quajtur edhe gay. Lidhur me këtë, këngëtari është pyetur live nga gazetari Arian Çani.
Mirudi: Nuk është puna nëse jam gay apo jo, ka qenë problemi i veshjeve, shumë njerëz nuk e kanë ndjekur as performancën, shumë paragjykime, kam marrë kërcënime të mëdha, shumë njerëz kanë menduar që kam veshur fustan, kur në fakt unë kam veshur pantallona. Unë në asnjë performancave nuk kam veshur fustan, kështu që shumë njerëz janë ofenduar nga unë.
Arian Çani: Nuk janë ofenduar. Të kanë quajtur gay në rrjetet sociale.
Mirudi: Po më kanë quajtur gay, më kanë quajtur femër, më kanë quajtur “Konçita e Shqipërisë”. Siç thashë unë nuk kam veshur fustan. Edhe po të vishja fustan nuk është problem se ne kemi veshje tradicionale që meshkujt kanë, por që nuk kam veshur fustan në asnjë prej netëve. Edhe portalet më kanë akuzuar se kam veshur fustan apo se jam Konçita, kur në fakt Konçita është transgjinore dhe unë nuk jam transgjinore. Kështu që unë jam mashkull, kam marrë ofendime të mëdha. Jam zgjuar çdo mëngjes, çdo ditë të festivalit, me mesazhe a je femër, a je mashkull, a je gay apo je straight. U bë një temë shumë e gjatë.
Arian Çani: Po në fakt ti e ke deklaruar identitetin tënd seksual? Ti je gay faktikisht?
Mirudi: Unë mendoj që ajo nuk është punë e askujt, unë në festival kam ardhur të bëj performancën. Kështu që ajo nuk ka të bëjë asgjë më seksualitetin e dikujt