Pas shqetësimeve të shumta lidhur me gjendjen aktuale të strukturës së xhamisë së Et’hem Beut në Tiranë, janë kryer verifikime në terren dhe më në brendësi të objektit të kultit. Nga verifikimet e kryera, është konstatuar se veç dëmtimeve nga jashtë, konkretisht në minaren e xhamisë, u vërejt që objekti i kultit ka pësuar krisje edhe në pjesën e brendshme.
Sipas dy gazetarëve nga Kosova të cilët kanë vërejtur gjendjen e rrënuar të strukturës, mësohet se xhamia ka dy krisje të lehta të gurëve lidhës, mbi bazamentin katror. Gjithashtu theksohet se dëmtime ka marrë edhe sherefeja, ndryshe ballkoni i minares, pjesës ku thërritet ezani.
