Super e angazhuar për zgjedhjet e 25 Prillit duket se opozita e ka marrë seriozisht hedhjen e Ramës nga “froni”. E themi këtë për shkak të deklaratave të shumta nga poltronët e selive blu dhe të kuq, ku ish-deputetët opozitarë të PD dhe LSI pothuajse çdo ditë bëjnë sikur denojnë vjedhjen që pushteti po u bën qytetarëve shqiptarë. Tejet bindese tingëllojnë fjalët e opozitës ndaj pushtetit, por pas fjalimeve gostiten në dreka e darka së bashku duke i lënë mënjanë ndasitë partiake e duke ndarë jo vetëm interesin e përbashkët, atë të përvetësimit të Buxhetit të Shtetit nëpërmjet procedurave të tenderimeve publikeve por edhe lojën e përbashkët në sy të popullit.
Kështu, ditën e sotme, pasi zgjidhi hallet e shqiptarëve të zhvatur, të paktën sipas atyre që thotë ai, Petrit Vasili, një nga figurat më të njohura të LSI, është fotografuar duke luajtur bilardo me çunat. Kjo me siguri pasi jo të gjithë e dinë se Vasili ka gostitur me tendera në Shëndetësi kompaninë e djalit të dajës Rasim Hamzarajt, jo vetëm gjatë kohës që ka qenë ministër, por edhe tanimë kjo kompani merr thelën më të madhe në këtë sektor. E kështu Vasili pasi bindi popullin që po i vjedhin, teksa i vjedh vetë në prapaskenë, mori shkopin t’u fuste disa topa ‘kundërshtarëve’ në lojë, me siguri aleatë e kolegë në jetën e përditshme, ashtu si me qeveritarët.