Habit profesori i Harvard-it: Alienët na vizituan në vitin 2017

Profesori i njohur i Harvard-it, Avi Loeb beson se mbetjet e një lloj mjeti fluturues të huaj kanë vizituar sistemin tonë diellor në vitin 2017. Kryetari i Departamentit të Astronomisë në Harvard, pretendon se një objekt që kohët e fundit u end në sistemin tonë diellor nuk ishte thjesht një shkëmb hapësinor, por në fakt një formë e teknologjisë aliene. Objekti hapësinor në fjalë u quajt “Oumuamua”. Ndërkohë, në librin e tij të quajtur “Jashtëtokësorët”, Loeb shpjegoi se si më 9 Shtator, trajektorja e “Oumuamua” e solli atë më afër diellit, para se të shpërthente në rreth 58,900 km/orë larg distancës orbitale të Venusit në fund të këtij muaj. Sipas tij, objekti në formë e një puroje ishte të paktën pesë deri në 10 herë më i gjatë se sa ishte i gjerë, diçka që nuk është parë në asnjë trup ndonjëherë.

Më konkretisht, ai është shprehur se:

Kjo do ta bënte gjeometrinë e Oumuamua-s më ekstreme, të paktën disa herë, në raport me asteroidët ose kometat që kemi parë ndonjëherë. Ishte jashtëzakonisht e ndritshme dhe të paktën dhjetë herë më shumë reflektuese sesa asteroidet apo kometat gurore të sistemit tipik diellor.

Për shkak të anomalive, Loeb arriti në përfundimin se shanset që ajo të ishte një kometë e rastësishme ishin të pakta, duke spekuluar se mund të ishte "hedhurinë hapësinore" që dikur kishte shërbyer si një anije navigimi hapësinore e përdorur nga një civilizim shumë kohë më pare.

Ai theksoi se:

E vetmja mënyrë për të kërkuar civilizime aliene është të kërkoni plehrat e tyre.

Burimi: nypost.com| Përktheu dhe përshtati: JOQ ALBANIA