Edhe pak orë na ndajnë nga ndërrimi i viteve dhe urimet ndaj njëri-tjetrit janë një nga gjërat e veçanta që ia shtojnë akoma më shumë gjallërinë atmosferës festive. Një mesazh i tillë ka mbërritur në redaksinë JOQ Albania para pak minutash, ku personi që e ka dërguar ka zgjedhur një mënyrë shumë të bukur duke na uruar më anë të një 'kartoline elektronike'. Ose më saktë ai na risolli edhe njëherë në kujtesë mënyrën tepër origjinale të urimit me anë të kartolinave, pasi kohët e fundit këto urime janë 'zbehur' disi dhe nuk janë aq kuptimplote kur bëhen nëpërmjet rrjeteve sociale. Personi na shkruan duke na uruar një vit të mbarë të gjithëve si staf dhe nuk harron të evidentojë se 2020 ishte një vit i vështirë dhe jo normal.
