Para pak ditësh u nda nga jeta legjenda e futbollit botëro, Diego Armando Maradona pas një ataku kardiak që pësoi në zemër. Vdekja e tij ngjalli shumë debate dhe polemika te shumë njerëz, përfshirë këtu edhe vetë familjarët e Maradonës. Mes tyre plasën akuzat për dashurinë kishin treguar ndaj ish-futbollistit dhe pasurisë që ai ka lënë. Pjesë e këtij sherri për pasurinë u përfshi edhe një nga motrat e tij, Anna, e cila duke ndërhyrë në një shfaqje televizive, u kthye kundër dy vajzave të mëdha të Maradonës, Dalma dhe Giannina.Anna ndërhyri pasi ishte bezdisur nga komentet e vajzave, qe sipas saj e kishin braktisur babain e tyre.
“Ata thonë se po paguhesha për të qenë me vëllain tim, nga vjen kjo? Mund te vërtetohet? Nga fëmijët e vëllezërve të mi, askush nuk jetonte me Diegon, askush. Po, ai ishte shumë bujar, ndonjëherë na jepte diçka. Ne kurrë nuk kemi jetuar prej tij”, tha Anna, ndërsa më pasi vazhdoi diskutimin me dy vajzat e mëdha të Maradonës, Dalma dhe Giannina.
“Pa të nuk do të kishte asgjë. Ta mbyllin gojën. Mos na varrosni, përveç dhimbjes që kemi, sepse me të vërtetë na lëndoni. Asnjëherë nuk na interesoi testamenti”, vazhdoi ajo, duke treguar se: “shkuam ta takonim, sepse ai na kërkoi ta shihnim se ai kishte një familje, por vajzat e kishin braktisur. Kur shkuan vajzat ta takonin? Kjo nuk dëshmohet kurrë”, shtoi Ana.
Më tej Anna shpjegoi se ajo nuk e kishte parë Maradonën që nga marsi për shkak të pandemisë, por ata flisnin rregullisht në telefon.
“Na lini të qetë, ne nuk shqetësojmë askënd dhe nuk duam asgjë prej tyre. Flisni për dashurinë dhe respektin që kishim për të. Sepse ne e respektuam atë”, përfundoi Ana.