Prej disa ditësh ka nisur një debat i madh në lidhje me shtatoren e heroit tonë kombëtar Gjergj Kastriot Skënderbeu të vendosur në Prizren më 28 nëntor. Shumë studiues por edhe qytetarë të thjeshtë e kanë kritikuar autorin e saj Sinan Aliaj, se kishte paraqitur një Skënderbe komplet ndryshe dhe aspak të denjë sa i përket madhështisë së figurës që ai përfaqëson. Së fundmi ai ka folur në një intervistë për Report Tv dhe ka theksuar se qëllimi i tij nuk ishte provokimi apo tjetërsimi i figurës së heroit tonë.
Ai tha:
Cilatdoqofshin ato komente janë të mirëseardhura. Unë jam i përgjegjshëm për punën time se jam artist. Qëllimi im ska qenë të provokoj dhe as të krijoj përshtypje dhe as imponim. Njerëzit janë të lirë. Puna ime është nisur prej rrafshit artistik të një figure që ka histori. Spo e kuptoj kërkimin e të hequrës. Kjo nuk kishte me më pengu mua. Nëse më imponon ndokush një koncept tjetër këtë se pranoj cilido qoftë ai komision", tha ai.
Ndërsa për faktin se e "zbriti" heroin nga kali, Aliaj thesoi se Skënderbeu nuk ka qenë vetëm një luftëtar por edhe një diplomat.
Ai shtoi:
Skënderbeu mbi të gjitha ka qenë njeri. Pas betejave parada e paraqitjeve të tij diplomatike dhe ushtarake, ka nejt me bashkëluftëtarë ka bashkëjetu me popullin. Ai ka qëndruar dhe në tokë. Pavarësisht rrethanave ndaj faktorëve historik. Sa për sqarim, unë e kam një të kaluar shumë komplekse, jam 50 vjeçar dhe baba i 4 fëmijëve. Unë mendoj se Skënderbeu e ka dashur këtë ku jemi sot ne shqiptarë, Skënderbeu ka pasur gjithmonë një ëndërr.