Portieri i kombëtares shqiptare, Etrit Berisha, po kalon momente të vështira. Para disa ditësh ai rezultoi pozitiv në testin anti-COVID dhe duket se po e kalon me probleme këtë virus. Për këtë aryse është nevojitur shtrimi i tij në spitalin e Komos për të qenë nën kontrollon e mjekëve. Në njoftimin e klubit të Serisë B nuk thuhet se cila është gjendja shëndetësore e portierit.
Deklarata zyrtare:
SPAL komunikon se në vijim të pozitivitetit ndaj COVID-19 të konstatuar më 27 nëntor, në orët e kaluara portieri Etrit Berisha është shtruar në repartin e specializuar COVID-19 në spitalin e Komos për të bërë verifikimet klinike të rastit.
Pas ndeshjes me Bjellorusinë, Berisha nuk ka luajtur me SPAL-in në 3 ndeshjet e fundit. Ai rezultoi pozitiv me ‘COVID’ në 27 nëntor dhe prej atij momenti duket se gjendja e tij nuk po përmirësohej.