SONDAZHI/ Yuri Kim: Në Shqipëri pastrohen paratë e krimit nga bota; 89% e votuesve: Qeveria e ka lejuar diçka të tillë!

Skandalet e qeverisjes së rilindasve kanë qenë të shumta, por më i diskutuari ( edhe ndërkombëtarisht) ka qenë pikërisht krimi dhe korrupsioni dhe paratë e pista që gjenerohen nga ata. Para dy ditësh, amabasadorja e SHBA në Shqipëri, Yuri Kim, ka lëshuar një tjetër mesazh të fortë në drejtim të politikës shqiptare. Ajo u shpreh se SHBA do mbështesë luftën ndaj krimit dhe korrupsionit.

Kim tha:

Qeveria e SHBA qëndron në krah të popullit shqiptar në luftën tuaj kundër krimit të organizuar dhe korrupsionit. Ne do të vazhdojmë të punojmë drejtpërdrejtë me ju, me qeverinë dhe shoqërinë tuaj civile, dhe nëpërmjet partnerëve të çmuar si OSBE, për t'u përballur me këtë kërcënim kriminal së bashku dhe për të siguruar qeverisjen e mirë dhe sundimin e shëndetshëm të ligjit që vendi meriton.

Gjithashtu nër të tjera, ambasadorja theksoi se në shumë raste të ardhurat e krimit në SHBA, Britani apo Itali pastrohen në Shqipëri, ku një pjesë e madhe shkon për të korruptuarit dhe për të thelluar akoma më shumë aktivitetin kriminal, i cili siç ka rezultuar në këto 7 vjet qeverisje nga Rilindja, ka qenë në nievele të larta. Në lidhje me deklratën e ambasadores amerikane, JOQ Albania krijoi një sondazh.

Pyetja që u shtrua ishte e tillë:

Sipas ambasadores USA, paratë e krimit në botë pastrohen edhe në Shqipëri. Sipas mendimit tuaj, a e ka lejuar qeveria pastrimin e parave të krimit në vend?

Në përfundimt të votimit, vihet re se 89% e qytetarëve shprehen se qeveria e ka lejuar dhe favorizuar një aktivitet të tillë të jashtëligjshëm; ndërsa vetëm një pakicë prej 11% e qytetarëve mendojnë se qeveria nuk e ka lejuar pastrimin e parave të krimit në vendin tonë.