Teksa Akti Normativ që e bën të detyrueshme mbajtjen e maskave në ambiente të hapura mbetet ende në fuqi, policia ka vijuar rreptësisht aksionin për monitorimin e shkelësve të ligjit. Ditën e sotme u publikua një rast ku tre të rinj u konfliktuan me efektivët e policisë për shkak të gjobës që këta të fundit i kishin vënë në lidhje me maskën. Ndërkohë një video tjetër e po të njëjtës ngjarje ka mbërritur në redaksinë JOQ Albania, ku dy të rinj në Tiranë janë filmuar duke u përleshur me efektivët e policisë, ndërsa një i tretë qëndron i tërhequr. Nga pamjet dallohet se policët e tërheqin me forcë dhe e shtyjnë tutje një të ri, ndërsa tjetrin e shtrijnë në tokë duke i vënë prangat. Nga sa dëgjohet në video, sherri ka degraduar në të shara dhe ofendime të shumta.