Një propagandë hipokrite që edhe fëmijët e vegjël t’i përdorësh si “zare” është gjë shumë e pritshme nga Edi Rama. Qoftë nga halli, qoftë nga qejfi, emri i tij përdoret edhe nga fëmijët në operacionin humanitar të riatdhesimit të disa prej fëmijëve në Shqipëri nga kampi i Sirisë. Sikur të mos mjaftonte udhëtimi luksoz drejt Bejrutit me një ushtri zyrtarësh, duhej edhe një konferencën e posaçme për shtyp pas mbërritjes në Shqipëri. Si në Bejrut, ashtu edhe në Shqipëri, fëmijët po përdoren për dekorin e Ramës.
Kjo foto e ilustron më së miri gjithçka. Ata kanë dalë të presin Endri Dumanin dhe kanë përgatitur një pankartë. Por duhet që patjetër në pankartë të shtohej me shkrim dore me stilolaps edhe emri i Edi Ramës, shpëtimtarit të madh.
Nga kampi Al Hol janë kthyer 4 fëmijë dhe një grua, të shpëtuar nga Gjysmëhëna Siriane, ndërkohë që janë dhjetëra fëmijë e gra që ose kanë refuzuar të kthehen, ose janë fshehur në kamp. Rama tha se ata ishin në 'ferr'. Kësaj po që i thonë të kalosh nga ferri i Sirisë, në ferrin e propagandës.
