Një ngjarje e rëndë ka ndodhur mëngjesin e sotëm në fshatin Syzesë në Urë-Vajgurore. Raportohet se një 65-vjeçare i ka dhënë fund jetës duke u vetëvarur në një pemë në oborrin e shtëpisë së saj. Mësohet se Florika Arapi i ka dhënë fund jetës duke u varur në një fik. Ka qenë bashkëshorti i saj, i cili e ka gjetur të pajetë dhe ka njoftuar autoritetet. E ndjera është dërguar drejt Morgut të Spitalit Rajonal të Beratit, ku i është bërë edhe autopsia. Sipas mjekëve të morgut, në trupin e gruas nuk është gjetur asnjë lëndë toksike dhe vdekja ka ardhur si pasojë e asfiksimit nga litari. Ende nuk dihen rrethanat e vërteta që e kanë detyruar 63-vjeçaren Arapi të kryejë këtë akt ekstrem. Ndërkohë familjarët dhe fqinjët e saj deklarojnë se viktima kishte disa muaj që vuante nga depresioni, pasi prej kohësh nuk kishte takuar fëmijët të cilët i kishte jashtë shtetit.
