Humbi jetën në Siri, familjarët e Almir Dacit: Kërkojmë kthimin e fëmijëve!

Almir Daci nga fshati Leshnicë i Pogradecit, është një ndër shqiptarët që ka humbur jetën në Siri, pasi iu bashkua luftës për xhihad. Ndërkohë familjarët e Dacit vuajnë çdo ditë humbjen e djalit të tyre. Por ajo që ia shton edhe më shumë dhimbjen është dhe fakti se nuk kanë asnjë informacion për gruan dhe tre fëmijët e djalit të tyre. Familjarët shprehen se kanë bërë kërkesat dhe denoncimet e nevojshme, dhe e vetmja që kërkojnë tashmë është një informacion nga familja e Almirit e ngelur në Siri.

Nëna e Almirit tha:

Lë të kthehen sa më parë fëmijët, e kam thënë 100 herë këtë.

Nga ana tjetër kryeplaku i fshatit, Vladimir Lipo tha për Abc News se me familjen e Almirit nuk ka shumë kontakt, pasi duket se ato janë të lodhur nga pritja dhe e vetmja dëshirë që ato kanë është kthimi i pjesës së familjarëve të tij të mbetur në Siri.

Ndër të tjera Lipo theksoi:

Unë di që familja e Almirit me ikjen e tij, është e lodhur dhe e stresuar, sa ishte gjallë babai i tij kërkonin që shteti të interesohej në lidhje me familjen e djalit të tij. Unë e di që ai ka dy fëmijë, por gjatë kohëve të fundit pas interesimit të shumë gazetarëve që kanë shkuar në shtëpinë e Almirit kanë kërkuar që të mos kenë më kontakt me asnjë në lidhje me këtë, Nëna e tij është e paralizuar dhe nuk ka fuqi, që të japë detaje vëllai thotë se është i informuar se bashkëshortja di që ka qenë ajo që i ka vënë në dijeni në lidhje me vrasjen e Almirit. Ajo ka qenë një grua e mirë dhe e respektueshëm.