Marash Kumbulla ishte padyshim futbollisti i ndeshjes mbrëmjen e sotme ndaj milanit. Futbollisti 20-vjeçar i dha një pikë të vyer verdhekuqve në “San Siro” përballë Milanit me golin e tij. Për paraqitjen e sotme në fushë ndaj kryesueve të kampionatit italian, Kumbulla u vlerësua nga “Sofa Score” me notën 7.2, ku rritja në vlerësim erdhi pas golit shpëtues për Romën në minutën e 84-rt.
Megjithatë, ndaj Milanit, Kumbulla u paraqit në mënyrë dinjitoze. Ai kreu 4 spastrime të topit nga zona, fitoi 4 nga 5 duelet në fushë dhe 2 nga 4 në ajër. Nga ana tjetër, mbrotjësi shqiptar kreu 1 ndërhyrje të saktë ndaj rivalit, ndërsa realizoi saktë 84% të pasimeve. Kumbulla u tregua i kujdesshëm në fushë ndaj kundërshtarit duke shkaktuar vetëm një faull. Brenda pak ditëve, Marash Kumbulla është kthyer në figurën më të preferuar të Romës.