Një aksident i rëndë është regjistruar në det jashtë Portit të Pireut në Greqi, ku një anije tregtare u përplas me një fregatë. Si pasojë e përplasjes, anija e marinës greke pësoi dëmtime dhe u ça në mes, duke rrezikuar fundosjen. Mësohet se në bord ishin 27 persona, nga të cilët dy u plagosën lehtë dhe u dërguan në spital për trajtim mjekësor. Ndërkohë pjesa tjetër e tyre janë evakuuar. Autoritetet portuale greke po tërheqin me rimorkiator anijen luftarake duke shpresuar që të mos fundoset. Ndërsa anija e mallrave është ndaluar që të udhëtojë deri sa të riparojë dëmet. Ndërkohë, autoritetet greke po hetojnë për të zbardhur rrethanat e këtij aksidenti.
Rimorkiatori i Marinës "Kallisto" aktualisht po tërhiqet në bazën detare Salamina, e cila pati një përplasje të fortë me anijen e mallrave MAERSK LAUNCESTON, pak kilometra jashtë portit të Pireut. Aksidenti ndodhi rreth orës 07:30 të mëngjesit, si rezultat i të cilit kishte prurje uji në “Kallisto”, kur anija e mallrave që u largua nga Cosco në Keratsini, ra në sternën e anijes luftarake dhe e "preu" atë në dy pjesë. Vihet re se anija e mallrave gjithashtu ka pësuar dëmtime të konsiderueshme.
Burimi: wnews.gr| Përktheu dhe Përshtati: JOQ Albania
