Policia e Tiranës ka arrestuar 4 personat e dyshuar për atentatin e dështuar ndaj biznesmenit Andon Dhima, javën që kaloi, në zonën e ish-Bllokut. Bazuar në njoftimin zyrtar të policisë Personat e arrestuar janë: Grid Leno, 45 vjeç, lindur në Tiranë, i dënuar më parë me 6 vite burgim per vjedhje me armë në shtetin Gjerman; Albin Hoxha, 35 vjeç, lindur në Laç dhe banues në Tiranë, i dënuar më parë për plagosje me armë; Në kuadër të këtij operacioni u bë e mundur të identifikohen dhe të ndalohen dy bashkëpunëtorët në këtë ngjarje,shtetasit: Maringlen Matohiti, 30 vjeç, lindur në Elbasan dhe banues në Tiranë. Enea Hoxha 26 vjeç, lindur në Laç dhe banues në Tiranë, i dënuar më parë me 4 vite e 9 muaj për “Prodhim dhe shitje të lëndëve narkotike.
Por në një mesazh të dërguar në redaksinë JOQ Albania, bashkëshortja e Grid Lenos dhe motra e Maringlen Matohitit ka deklaruar se arresimi i tyre është i padrejtë nga ana e policisë, ndërkohë vëllai i saj Maringleni ka qenëduke punuar si kamarier në një lokal, ndërsa i shoqi i ftur në një ditëlindje. Sipas qytetares, të dy janë të pafajshëm. ndërsa sa i përket të shkuarës së të shoqit, ajo thotë se ai e ka kryer dënimin që 17 vjeç vitesh në shtetin gjerman. Ajo shprehet mjaft e indinjuar për këtë veprim të policisë, pasi kanë arrestuar dy persona pa patur fakte dhe për më tepër i kanë dhunuar fizikisht bashkëshortin, përveç dhunës verbale ndaj saj.