Sulmuesi i Milanit, Zlatan Ibrahimovic ka rezultuar pozitiv me COVID-19. Skuadra e Milanit iu nënshtrua testeve për koronavirus gjatë ditës së djeshme para ndeshjes me Bodo/Glimt, e vlefshme për rrethin e tretë kualifikues të Ligës së Evropës. Pasi Leandro Duarte rezultoi pozitiv në testin e parë, kuqezinjtë tashmë kanë marrë përgjigjen e testeve të dyta dhe një tjetër lojtar i tyre është i infektuar me koronavirus.
Fjala është pikërisht për 39-vjeçarin suedez. Kujtojmë se Ibrahimovic realizoi dy gola ndaj Bolognas dhe vetëm tre ditë më pas, ai duket se është infektuar me COVID-19. Milan luan sonte përballjen me skuadrën modeste nga Norvegjia, me fillim prej orës 20:30. Në komente të ndryshme të tifozëve, bie sy shprehja: Tashmë virusi duhet të izolohet për 14 ditë...