Pas moslejimit së protestës nga policia, duket se mjekët kanë refuzuar së fundmi Edi Ramën, i cili ditën e djeshme, kur mësoi për protestën, propagandoi hapur një takim me bluzat e bardha. Bëhet me dije se në kryeministri ka mbërritur vetëm një grup prej katër mjekësh. Mësohet se mes tyre do të jetë edhe Ministrja e Shëndetësisë, Ogerta Manastirliu. Duket qartë që numri i vogël i mjekëve në takim, tregon se askush nuk ka besim tek Rama, i cili me të tilla negociata, i ka mbyllur gojën shumë personave, apo edhe ka pushuar një “çështjë” të caktuar.
Së fundmi janë publikuar edhe kërkesat që mjekët kanë për Ramën. Ato janë:
-Të shpallen dëshmorë të kombit të gjithë ata pjesëtarë të personelit shëndetësor të cilët humbin jetën në këtë luftë me këtë armik të padukshëm -Të bëhet sigurimi i jetës së personelit shëndetësor, me qëllim që familjet e tyre të mund të vazhdojnë jetën edhe pas fatkeqësive të mundshme në këtë luftë. -Rritje të vlerësueshme e trajtimit financiar të personelit shëndetësor. -Personeli shëndetësor të çdo niveli t’i sigurohen të gjitha kushtet optimale në punë për parandalimin e infeksionit sipas të gjitha standardeve kombëtare dhe ndërkombëtare.