Presidenti i Bjellorusisë, Alexander Lukashenko, organizoi një ceremoni të paparalajmëruar më parë për inaugurimin e mandatit të tij të gjashtë në krye të vendit, për të cilin ka patur mjaft protesta. Mediat vendase thanë se disa qindra njerëz morën pjesë në ngjarjen në Pallatin e Pavarësisë në qendër të Minskut. Një politikan i opozitës e krahasoi atë me një "takim hajdutësh" të fshehtë. Më vonë, protestuesit dolën në rrugë dhe pamjet video treguan se policia po tentonte për t'i shpërndarë ato. Pati gjithashtu raportime për rrahje dhe ndalime nga policia.
Lukashenko, i cili ka sunduar Bjellorusinë për 26 vjet, tha se vendi kishte nevojë për siguri dhe konsensus “në prag të një krize globale”, një referencë e dukshme ndaj pandemisë së koronavirusit.
Ai tha:
Betimi i fshehtë i Aleksandër Lukashenkos si President i Bjellorusisë provokoi një reagim të fortë në vend. Mijëra qytetarë dolën në rrugët e Minskut për të protestuar dhe disa marshuan mes flamujve të opozitës. Lukashenko u betua sot duke marrë mandatin e gjashtë papritur dhe pa njoftuar. Duke filluar nga kjo ditë, ai bëhet zyrtarisht një bandit dhe mashtrues, i cili nuk njihet askund në botën e civilizuar, shkruante një media opozitare. Ky nuk ishte inaugurimi i sigurt i një njeriu që me të vërtetë beson se ka 80% të vendit pas tij. Gjithçka në lidhje me të kishte për qëllim shmangien e një reagimi publik.
Burimi:BBC|Përktheu dhe Përshtati: JOQ Albania
