7-muaj para zgjedhjeve politikanët tanë kanë filluar me premtime e me fushata të pazakonta. Shumë ambicioze nga ana e Lali Erit, i cili kërkon një mandat të tretë duke vënë taksat e qytetarëve në dispozicon të propagandës elektorale. Lali Eri ose siç njihet ndryshe Lali Zdrromsi, ka shpallur një tender ditën e mërkurë për të prodhuar materiale promociale, që në fakt janë materiale propagande zgjedhore.
Do prodhohen e shpërndahen stilopsa, broshura me pamje të punëve në Tiranë e zyrtarësh të bashkisë; çanta, postera ku do shfaqet Rama duke dorëzuar çelësa shtëpie termeti dhe Veliaj duke lyer; blloqe shënimesh e deri mbajtje çelësash me logon e bashkisë. Sipas njoftimit zyrtar, vlera e këtij financimi është 34 mijë Euro, që do harxhohen nga të ardhurat prej taksave, si shërbim gjoja për promovimin e turizmit të Tiranës, kur në muajin maj 2020, bashkia ka prodhuar 11.7 mijë lekë të reja materiale të tilla.