Lirie Xhepa është 49-vjeçarja e cila u gjet e pajetë pranë liqenit të Sharrës në Tiranë në vitin 2019. Pasi e vranë e hodhën në ferra në afërsi të liqenit. Edhe pas një viti policia po vazhdon hetimet për këtë ngjarje tragjike, ku një nëne e dy djemve e cila kishte humbur bashkëshortin disa vite më parë, u vra nga kunati i saj, Dashmir Xhepa. Në atë vit në pranga ra dhe një person tjetër që ndihmoi autorin. Ndërsa në gjyq ka folur edhe Marjus Xhepa, djali i viktimës. Ai ka thënë se kishte 7 vjet që nuk fliste me xhaxhain, pasi ai e kërcënonte Lirien dhe se nëna e tij kishte urdhër mbrojtje.
Ai ka akuzuar xhaxhain e tij Dashamir Xhepa për vrasjen e nënës, ndërkohë që dhe i ka thënë diçka që mund të merret si kërcënim."Po u dënove do të shpëtosh, unë të dua jashtë", është shprehur Marjus Xhepa, duke lënë të nënkuptohet se mund të hakmerret për vrasjen e nënës. Lirie Xhepa ka qenë në konflikt të vazhdueshëm me njerëzit e burrit. Xhepa dhe kunati i saj ishin fqinjë në lagjen 'Qershori' në Kombinat.
