Çudira shqiptare/ E arrestuara për mashtrim financiar fiton 221 milion pa garë në Fakultetin Ekonomik

Shkruar nga: M Gjini | Publikuar më: 27.08.2020, 16:07

Jetojmë në një vend të çuditshëm. Gjithçka mund ta gjesh këtu. Që nga hajdutët, ordinerët, batakçinjtë, mashtruesit e kështu me rradhë. E duke qenë një vend i tillë, nuk është aspak çudi që një kompani, pronarja e së cilës është arrestuar për mashtrim financiar, të shpallet fituese e një tenderi për Fakultetin e Ekonomisë, UT.

Paradoksi qëndron në faktin se ky institucion arsimor i mëson në teori studentët e ekonomisë së si të menaxhojnë e administrojnë nga pikëpamja ekonomike e financiare kompanitë e ndryshme private apo institucionet shtetërore, duke zbatuar ligjin. Por në praktikë rezulton se tenderat që kanë të bëjnë me rikonstruksionin e godinave të tij, i fiton një kompani me precedentë mashtrimi me TVSH-në.

Më konkretisht bëhet fjalë për tenderin me numër reference REF-68517-08-12-2020, që ka si objekt: “Punime shtesë në objektin Rikonstruksion në Godinën A-B të Fakultetit të Ekonomisë, të Universitetit të Tiranës”. Vihet re se procedura e prokurimit është realizuar me negocim pa shpallje paraprake të njoftimit të kontratës, që do të thotë se firma është përzgjedhur pa garë nga autoriteti kontraktues, i cili në këtë rast është Universiteti i Tiranës. Tenderi ka një vlerë rreth 221 milionë lekë të vjetra me TVSH.

Ky tender i është akorduar bashkimit të operatorëve ekonomikë “ULEZA NDËRTIM” shpk, “AGRI CONSTRUCTION” shpk dhe “SHPRESA” shpk. Është pikërisht kjo e fundit, pronarja “de facto” e së cilës ka patur probleme me drejtësinë.

Bëhet fjalë për Shpresa Joanidhin e cila në shtator të vitit 2019 u arrestua bashkë me disa biznesmenë të tjerë për krijim skemash mashtruese me TVSh-në dhe prokuroria i akuzoi se ishin shkaktarë të miliona eurove dëm ndaj shtetit. Për habi, kompania e saj e cila aktualisht ka si pronar bashkëshortin e saj Alfred Joanidhi, djalin e tyre Renaldo Joanidhi dhe një person tjetër të quajtur Aldi Zaimi, vazhdon të marrë ende tendera. Dhe jo dosido, por tendera pa garë për vetë Fakultetin Ekonomik, i cili i mëson studentët se si të zbatojnë ligjin fiskal.

PERSONAZHI I VITIT 2021
KLIKO PËR TË VOTUAR
  • Elvis Naçi
    Drejtuesi i Fondacionit "Firdeus", i njohur si mirëbërësi i shqiptarëve të varfër me punën e tij të palodhshme. Banesat që po ndërtohen për të prekurit nga tërmeti, nga fondacioni i tij janë drejt fundit.
    Arjan Sala
    Heroi i Heshtur! Security i një qendre tregtare, i cili dha jetën mes flakëve për të shpëtuar punonjësit që ishin bllokuar nga zjarri në magazinë.
    Edi Rama
    Kryeministri unik, që shpiku skemën e patronazhistëve duke përgjuar shqiptarët dhe pavarësisht kësaj ata i dhanë edhe mandatin e tretë.
    Lulzim Basha
    Kreu i PD-së, rekordmen për qëndrimin në opozitë dhe guximtar për ‘vrasjen’ e babit të tij politik, Sali Berisha.
    Sali Berisha
    Ish-kryeministri i Shqipërisë dhe ish-kreu i PD-së, i cili, pavrësisht se u shpall “Non-grata” nga SHBA dhe u përjashtua nga PD, arriti të mblidhte Kuvendin Kombëtar të partisë që themeloi dhe e rithemeloi me një pjesëmarrje masive.
    Marin Mema
    Gazetari, i cili u angazhua në rindërtimin e banesave të rrënuara nga tërmeti dhe arriti të dorëzonte brenda disa muajsh çelsat tek qytetarët.
    Altin Goxhaj
    Avokati i njohur në Shqipëri, i cili ngre gjithnjë zërin publikisht ndaj shkeljes të së drejtave të qytetarëve të thjeshtë nga shteti.
    Klodian Elqeni
    I riu, i cili shkelmoi shoferin e çmendur që hyri me makinë në sheshin Skënderbej duke i rrezikuar jetën qytetarëve. Ai fluturoi mbi dritaren e makinës duke neutralizuar agresorin.
    Armando Broja
    Futbollisti i Kombëtares Shqiptare që po shkëlqen në kampionatin anglez. Performancë fantastike edhe me Kombëtaren shqiptare.
    Distria Krasniqi dhe Nora Gjakova
    Dy xhudistet nga Kosova që fituan medalje të artë në Lojërat Olimpike në Tokyo.
    Albin Kurti
    Kryeministri i Republikës së Kosovës, i cili fitoi zgjedhjet sërish dhe arriti të krijojë qeverinë e re në Kosovë.
    Lylzim Sulejmani
    Shqiptari nga Presheva, i cili arriti të shpëtonte 7 shqiptarë të Maqedonisë së Veriut nga autobusi, që shpërtheu në flakë në Bullgari.
Më të Lexuarat
Shkarkoni aplikacionin JOQ ALBANIA në platformat
Më të fundit