Ismail Brahimai ka tentuar të arratiset nga burgu i Korfuzit mbrëmjen e së enjtes. Shqiptari akuzohet për vrasjen e avokatit grek Michalis Zafeiropoulos dhe për këtë krim ai është dënuar me burgim të përjetshëm. Nga mediat greke raportohet se Brahimai ka thyer çelsin e qelisë së burgut, ku vuante dënimin me 6 persona të tjerë.
Ai doli nga qelia pa u pikasur dhe nisi të çajë murin e një qelie tjetër, me shpresën se do të dilte në oborr. Por pa njohur mirë strukturën e qelive, shtetasi shqiptar po përfundonte në dhomën e arkivës së burgut. Tentative e dështuar e Ismail Brahimai vetëm sa paralajmëroi autoritetet vendase se ai ka ende në plan arratisjen nga burgu.
Ibrahim Brahimaj u dënua nga Gjykata e Athinës vitin e shkuar me burgim të përjetshëm për vrasjen e avokatit grek, Mihalis Zafeiropoulos tre vite më parë, së bashku edhe me dy të tjerë. Klodian Lekotsai dhe Oldi Dulçe u dënuan po ashtu me burgim te përjetshëm.
Burimi: CNN.GR Përktheu dhe Përshtati: JOQ Albania