Olsi Çekiçi është 44-vjeçari i cili tronditi Shqipërinë ditën e djeshme, pasi i preu me kokën me kosë mamasë së tij të moshuar. Baba i një vajze 15 vjeç, Olsi kishte qenë disa herë i shtruar në spitalin psikiatrik të Elbasanit ndërsa refuzonte të merrte mjekimin e rekomanduar nga mjekët. Dhe vëllai i tij, sipas raportimeve të fqinjëve, ishte me probleme mendore.
70-vjeçarja e ndjerë i kishte rritur mbesën, pra të bijën 44-vjeçarit, teksa ai ishte në burg.
Ai e kishte qëlluar me dru duke e lënë pa ndjenja dhe më pas i kishte prerë kokën me kosë duke ia varur tek dera e shtëpisë. 44-vjeçari u konfliktua me vëllain që u mundua ta ndalte ndërsa gjithçka u pa edhe nga vajza e tij adoleshente.
Çekiçi në polici u paraqit me plagë në ballë e trup për të cilat nuk rrëfeu se kush ia kishte shkaktuar.
Teksa në profilin e tij në rrjetet sociale, 44-vjeçari ishte tejet aktiv dhe shpërndante kryesisht shprehje besimtare të fesë muslimane për lartësimin e Allahut. Ndër të tjera, paraqitej një person që besonte në të mirën, dritën dhe dashurinë, teksa shpërdante shpesh shprehje motivuese për jetën dhe quante "shushunja" LSI-në.