Detaje tronditëse janë zbardhur nga ngjarja makabre në Pogradec, ku Olsi Çekiçi, 44 vjeç, vrau me thikë nënën e tij. Në momentin që policia ka mbërritur në vendngjarje dhe ka parë trupin e 70-vjecares të ndarë në dy pjesë, ai i tha të mos afroheshin e të bëheshin pis me gjak pasi ishte me magji.
44-vjeçari bëri rezistencë gjatë arrestimit, por në fund pranoi autorësinë e kryerjes së këtij akti të rëndë.
Mësohet se në polici Olsi është shprehur:
Nuk pendohem, kjo do të ndodhte një ditë, amanet vajzën dhe vëllanë.
Burime bëjnë me dije se Olsi Çekiçi, 44 vjeç, i dënuar më parë për lëndë narkotike, qëlloi me thikë nënën e tij 70-vjeçare, Firdes Çekiçi dhe trupin e saj të pajetë e vari në derë.
Komshinjtë pasi kanë dëgjuar sherrin kanë njoftuar policinë. Kjo e fundit nuk ka mundur të mbërrijë në kohë për të parandaluar vrasjen. Sapo kanë mbërritur në derën e shtëpisë së 44-vjecarit policët kanë parë kokën e të moshuarës të shkëputur nga trupi.
Gjatë aktit barbar ishin të pranishëm vajza edhe vëllai i autorit, i cili tentoi të pengonte ngjarjen tragjike, por mbeti i plagosur. Nuk dihet ende si është gjendja shëndetësore e vajzës së tij. 44-vjeçari njihej si një person i kartelizuar me probleme mendore por që nuk pranonte të merrte mjekim, si dhe përdorues i lëndëve të forta narkotike. Ngjarja ka ndodhur rreth orës 18:10 në fshatin Buçimas.