Të tjera detaje dalin në dritë nga vrasja e 57-vjeçarit Gëzim Saraçi, që u gjet pa shenja jete në kamionçinë.
Lidhur me krimin e rëndë në prangat e policisë ka përfunduar 31-vjeçari Mihal Thimjo i cili rrëfeu fillimisht në polici shkak për konfliktin u bënë ofendimet e Saraçit dhe madje ishte ai që e qëlloi i pari.
Dyshja njiheshin mes tyre pasi bënin kërkime floriri dhe sherri mes tyre dyshohet të ketë lindur pikërisht për këtë shkak.
Madje dyshohet se autori mund ta ketë fshehur floririn e gjetur dhe dyshime bien edhe mbi familjen nisur nga fakti që ai i lajmëroi.
Ata kërkonin flori në vende të ndryshme ndërsa nuk ngurroinin as të hapnin varret për këtë gjë.
Në dëshmitë e para Thimjo tha se u acarua me të pasi e quajti grek ndërsa në të vërtetë kjo ishte vetëm përpjekja e tij për të fshehur para policisë veprimtarinë e paligjshme me të cilën merreshin.
Gëzim Saraçi dhe Mihal Thimjo kishin njohje të vjetra me njëri-tjetrin dhe para vrasjes kishin konsumuar një drekë së bashku.Ata po udhëtoinin së bashku në makinë në momentin kur ka nisur konflikti verbal që përfundoi në tragjedi.