Siaps raportimeve zyrtare nga Ministria e Shëndetësië, në Durrës janë konfirmuar 15 persona me koronavirus. Mëshohet se 10 nga ata janë në tre familje, ndërsa një nga këto tre familje e ka marrë infeksionin nga kryefamiljari që punon në AKU-në e Durrësit. Dy familjet e tjera të infektuara janë me nga tre anëtarë secila, por mbetet e paqartë se si e kanë marrë infeksionin. Dyshimet më të mëdha janë që të kenë pasur kontakte të personave të konfirmuar më parë me koronavirus. Gjashtë persona humbën jetën gjatë 24 orëve të fundit nga koronavirusi, nga ku tre prej tyre nga qyteti i Durrësit. Numri total i të infektuarve në Durrës është 344.
127 persona kanë rezultuar pozitiv gjatë 24 orëve të fundit në gjithë vendin, ndërsa janë testuar 531 të dyshuar. Edhe pas përpjekjeve të mëdha të ekipeve mjekësore, fatkeqësisht nuk e kanë fituar dot betejën me sëmundjen në dy spitalet Covid, 3 qytetarë nga Durrësi, një 64 vjeçar, një 65 vjeçar dhe një 69 vjeçar, me sëmundje bashkëshoqërues. Nuk e kanë fituar betejën me Covid 19 edhe një 72 vjeçare nga Fier, një 73 vjeçare nga Korça dhe një 78 vjeçare nga Tirana. Shpërndarja gjeografike e rasteve pozitive ditore është si vijon: 36 raste në Tiranë, 28 në Krujë, 15 në Durrës, 8 në Has, 5 në Kukës, 4 në Fier, nga 3 raste në Shkodër, Korçë, Elbasan, Vlorë, Gjirokastër, nga 2 raste në Lezhë, Përmet, Klos, Shijak, Finiq, nga 1 rast në Kurbin, Lushnje, Berat, Tepelenë, Kolonjë, Malësi e Madhe.
