Europa duket se është në prag të një vale të dytë të Covid-19, ndërsa po shënohen shifra të larta të rasteve të reja. Ndërsa vendet si Spanja, Franca dhe Gjermania dëshmuan rritje të larta ditore në muajt e fundit, zyrtarët dhe ekspertët po diskutojnë nëse vala e dytë tashmë ka përfshirë apo jo Europën. Nga vendet më të prekura ka qenë Spanja, po pavarësisht përshpejtimit të përhapjes së Covid-19 në Evropë, ekspertët në Spanjë janë të ndarë nëse do ta quajnë apo jo atë një valë të dytë.
Franca Rastet e reja në Francë janë raportuar në nivelin më të lartë që nga fundi i majit, sipas shifrave të fundit nga Ministria e Shëndetësisë. Ekziston një numër i lartë i infeksioneve me koronavirusi gjatë 24 orëve të fundit me 1.695 raste të reja. Që nga fillimi i pandemisë, numri i përgjithshëm i infeksioneve në Francë është 194.029 dhe numri i viktimave 30,305.
Italia Numri i rasteve të reja të konfirmuara me Covid-19 në Itali, u dyfishua në 384 të mërkurën, ndërsa vendi regjistroi 10 viktima të tjera.
Gjermania
Megjithë suksesin e saj në luftimin e pandemisë së koronavirusit në fillim të këtij viti, Gjermania gjithashtu dëshmoi një rritje të ndjeshme të rasteve të reja këtë javë. Mjekët paralajmëruan se vala e dytë mund të godasë më shumë, pasi njerëzit ndaluan së respektuari masat e distancimit shoqëror, për shkak të dëshirës së tyre për t'u rikthyer në normalitet.
Burimi:aa.com|Përktheu dhe Përshtati: JOQ Albania