Afro një muaj më parë një ngjarje e rëndë tronditi vendin, ku nënë e bijë u gjetën të vetëflijuara në banesën e tyre me shpresën se do të ringjalleshin. Prej kohësh ato ishin pjesë e dëshmitarëve të Jehovait dhe kishin praktikuar rite të cilat sipas tyre mund t’i sillnin ringjalljen.
Gjithashtu, edhe një nga vajzat e familjes Josifi, Blerta, kishte filluar praktikimin e riteve të vetëflijimit, por ajo i mbijetoi vdekjes.
Fill pas ngjarjes së rëndë, Blerta u mbyll në spitalin psikiatrik dhe ditën e sotme mësohet se ka dalë prej andej. Gjendja e saj është përmirësuar, por ende nuk dihet se kush po kujdeset për të tashmë.
E reja, para hetuesve u shpreh se ka humbur familjen, ndërsa ata nuk i dinin sakrificat që kanë bërë për tu ringjallur.
Megjithatë ende nuk dihet nëse vetë Blerta do të përballet me drejtësinë,apo do të tregojë emrat e atyre që e kishin shtyrë familjen e saj që të kryente rite satanike.