Këtë 3 gusht mbushen plot katër vite nga vdekja e lezhjanit Pëllumb Marnikollaj. Ai ishte vetëm 29-vjeç kur udhëtoi drejt Greqisë për të fundit herë, ku pasi vet shteti fqinj e kishte thirrur pas daljes nga burgu për kalim kufiri në mënyrë ilegale. Marnikollaj kishte kryer dy dënime njeri pas tjetrit për të njejtën shkelje dhe kishte vendosur të qendronte në Shqipëri. Por ai nuk mundi të kthehej i gjallë sërish në atdhe.
Pëllumb Marnikollaj humbi jetën brenda komisariatit të Policisë së Greqisë. Sipas deklaratës së autoriteteve greke, Pëllumbi pasi iu bë e ditur që ndaj tij kishte një tjetër urdhër arresti, ai vrapoi dhe u hodh nga kati i dytë i godinës së komisariatit. Një vdekje e mistershme e cila ende nuk është faktuar me prova mbi atë që pretendojnë fqinjët se ka ndodhur.
Hijet e dyshimit lindën nga familjarët dhe të afërmit e 29-vjeçarit të cilët përmes një avokati mësuan se trupi i të riut ndodhej në frigoriferin e varrezave Agio Anargioro, gati për ta varrosur duke e klasifikuar si një kufomë pa identitet. Fillimisht drejtuesit e varrezave kanë refuzuar të tregojnë trupin të cilit i kishin bërë autopsinë pa praninë e prokurorisë dhe rregullave ligjore.
Së fundmi në mediat greke është kujtuar vdekja e shqiptarit si një nga ngjarjet ende të pazbuluara. Babai i 29-vjeçarit, Nikolla Marnikollaj, thotë në një intervistë për gazetën greke “VICE” se djalin e tij e vrau policia greke në komisariat. Ai tregon se Pëllumbi së shpejti do të fejohej dhe se kishte vendosur të hapte një biznes në Lezhë.
Nikolla Marnikollaj tha:
