Më 14 gusht 2018, një stuhi e rëndë përfshiu Xhenovën. Ura Morandi, e ngritur mbi lumin Polcevera në qendër të qytetit, ishte një aks kryesor, duke formuar një seksion jetik të sistemit rrugor që lidh Francën dhe Italinë. Me emrin e inxhinierit të saj, Riccardo Morandi, ura ikonike ishte një themel i arkitekturës italiane kur u hap në vitin 1967.
Por në ditën e 14 gushtit në orën 11:36, ura u shemb dhe shkaktoi shumë dëme materiale dhe viktima, përshirë edhe dy shqiptarë. Hetimi paraprak për shkakun e shembjes, duke u përqëndruar në 71 shërbyes civilë dhe punonjës të autostradës, duhet të përfundonte deri në fund të vitit. Ndërkohë pas një pune të gjatë ka përfunduar rindërtimi i urës nga Renzo Piano, e cila përmban sensorë dhe robotë që monitorojnë vazhdimisht strukturën dhe kryejnë mirëmbajtje themelore. Energjia sigurohet nga 2,000 panele diellore.
Megjithatë rindërtimi ka ardhur më shpejt se vendosja e drejtësisë. U desh vetëm një vit për të ndërtuar urën e re nga e para, dhe puna ka vazhduar edhe gjatë pandemisë së koronavirusit.
Burimi:BBC|Përktheu dhe Përshtati: JOQ Albania
