Pas marrjes së një gjobe për organizim dasme, pronari i një lokali nuk e ka ndalur aktivitetin dhe ka zhvilluar disa të tjera. Mirëpo ditën e sotme policia e ka gjobitur sërish dhe ka vendosur mbylljen e lokalit për 6 muaj.
Policia e Durrësit njofton se ka ndëshkuar me masë administrative 1 milion lekë dhe mbyllje të aktivitetit për një periudhë 6-mujore, administratorin e një lokali, pasi u konstatua se organizonte ceremoni martesore në mënyrë të përsëritur, në kundërshtim me Aktin Normativ.
Lokali ndodhet në fshatin Verjon, Nikël të Fushë – Krujës.