Ylli i Borusia Dordmundit, Jadon Sancho cilësohet nga ekspertët e futbollisti si ylli i të ardhmes në këtë sport. Forma e tij ka bërë që në drejtim të tij të vërshojnë ofertat.
Manchester United bëri një ofertë ditët e fundit prej 98 milionë eurosh për anglezin, por që u refuzua nga Borusia Dortmund.
U përfol se ekipi gjerman e refuzoi ofertën e skuadrës angleze sepse kërkon 120 milionë euro për lojtarin.
Së fundmi, një prapaskenë mjaft interesante duket në horizont. Sipas “Kicker” Sanço preferon më shumë një transferim te Liverpooli sesa tek Manchester United sepse beson se ka më shumë mundësi për të fituar tituj nën drejtimin e Jurgen Kloppit.
Ndoshta Sancho po pret një ofertë nga Liverpooli dhe mund të jetë kjo arsyeja e refuzimit të ofertës së Manchester United. Gjithsesi ka shumë gjasa që njëri prej këtyre dy klubeve të jetë e ardhmja e futbollistit.
