Andrea Pirlo do të rikthehet te skuadra e Juventusit. “Goal Italia” raporton se ish mesfushori sot do të nënshkruajë kontratën e re me ish klubin e tij për të drejtuar si trajner, ekipin U-23
Pirlo do të zëvendësojë Fabio Pecchian në këtë post duke u bërë përsëri pjesë e bardhezinjve, por kësaj here jo si lojtar, por si drejtues.
Pirlo ishte futbollist i Juventusit gjatë periudhës 2011-2015. Pecchia ka braktisur postin pas fitores në Coppa Italia në Serie C dhe arritjes deri në çerekfinale të promocionit në Serie B.
Tashmë është detyra e Pirlos për të marrë drejtimin e kësaj skuadre që ka si synim kryesor promovimin e lojtarëve të talentuar dhe angazhimet e tyre në ekipin e parë.