Një 21-vjeçar thotë se është ndaluar të fluturojë me “easyJet” për shkak të emrit të tij.
Kieran Harris, nga Cheshire, kishte planifikuar të fluturonte për në Alicante më 25 maj me kompaninë me kosto të ulët, pasi kishte bërë rezervimin një muaj më parë.
Megjithatë, linja ajrore e kontaktoi atë një ditë para fluturimit nga Liverpooli për t'i thënë se ai ishte ndaluar nga hipja në avion dhe se kishte marrë një ndalesë 10-vjeçare deri më 15/03/2031, për të udhëtuar me këtë linjë.
Harris pretendon se “easyJet” e ka ngatërruar atë me një burrë që ka të njëjtin emër dhe ditëlindje si ai, i cili u dënua me 12 javë burg pasi "u soll në mënyrë agresive dhe abuzive" në një fluturim në vitin 2021.
Harris tha se problemi u zgjidh përfundimisht pasi linja ajrore kërkoi një fotografi të pasaportës së tij për të konfirmuar identitetin e tij. Megjithatë, kjo i la vetëm disa orë kohë për të shkuar në aeroport.
Ne kishim rezervuar pushimet një muaj më parë dhe madje bëmë “check in” në internet më shumë se një javë më parë, kështu që ka pasur shumë kohë që ata të na kontaktojnë. Tani nuk kam më dëshirë të udhëtoj me “easyJet”.
