Më 25 dhjetor të vitit të kaluar, një 8-vjeçar shqiptar u aksidentua për vdekje Noicattaro, Itali.
Oriel Skura kishte shkuar me familjen e tij në Borgo Segezia në Foggia për të festuar Krishtlindjet kur një makinë e përplasi për vdekje.
8-vjeçari ishte nxënës i shkollës fillore De Gasperi në Noicattaro. Kjo shkollë ka vendosur që biblioteka të mbajë emrin e Orielit i cili ishte një nxënës i shkëlqyer dhe e donte shumë leximin.
Në raftet e bibliotekës së shkollës fillore De Gasperi në Noicattaro ka jo vetëm libra, por edhe foto të 8-vjeçarit që u nda nga jeta në dhjetor.
Në ceremoninë e emërimit të bibliotekës ishte kryetari i bashkisë së Noicattaro, prindërit e fëmijës dhe motra e tij e vogël që duke nisur nga viti i ardhshëm shkollor do të ndjekë të njëjtën shkollë.
Në klasën e vogëlushit, koha ka ndalur pasi tavolina e tij ka mbetur bosh, shokët e klasës dhe mësuesit janë të trishtuar.
Në pllakën e ngjitur në murin e jashtëm të bibliotekës shkruhet:
Në kujtim të buzëqeshjes suaj, syve tuaj, ëmbëlsisë suaj. Do të mbetesh në zemrat tona.