Gjatë ditës së sotme, policia e Beratit arrestoi 4 shtetas, konkretisht Jurgen Kollçaku, 23-vjeç, Gjergji Braha, 26-vjeç, Kleo Doko, 18-vjeç dhe Sherif Isaj, 19-vjeç. Tre të parët me banim në Kuçovë bashkë me Isajn ishin pjesë e një grupi të strukturuar kriminal që merrej me shitjen në doza të lëndës narkotike “cannabis sativa”.
Ata shisnin drogën në zonat e Beratit dhe Kuçovës. Ndërkohë mësohet se Jurgen Kollçaku është nipi i gjeneralit Bardhyl Kollçaku, njëkohësisht deputet socialist i qarkut Berat. 23-vjeçari është djali i shtetasit Fadil Kollçaku, që rezulton të jetë djali i xhaxhait të Bardhyl Kollçakut.
