Një pasagjer francez që ndërpreu mbrëmë fluturimin Paris-Athinë, duke detyruar pilotin të bënte një ulje emergjente në Selanik, ka tejkaluar çdo kufi, duke ngacmuar seksualisht stjuardesen.
Stjuardesa ka reaguar me qetësi dhe ka ndjekur protokollin kur pasagjeri e ngacmoi. Ajo njoftoi menjëherë mbikëqyrësin e kabinës, i cili nga ana e tij informoi kapitenin. Por sërish pasagjeri francez vazhdoi të shfaqte sjellje provokuese, jo vetëm ndaj anëtarëve të ekuipazhit, por edhe ndaj pasagjerëve të tjerë.
Një pasagjer tha:
Në një moment ai filloi të na pështyjë, ndërsa ne po përpiqeshim të kalonim për të shkuar në tualet.
Stjuardesa i ka thënë kapitenit se pasagjeri në fjalë nuk i është dukur i dehur kur ka hyrë në avion, pasi ka qenë duke folur në telefon. Është dashur ndërhyrja e bashkëpasagjerëve për të qetësuar situatën.
Piloti tha:
Pasagjerin e kanë imobilizuar dhe e kanë lidhur në ndenjësen, edhe pse preferohej ta mbyllnin në tualet. Ngjarja nisi rreth 45 minuta pasi u nisëm nga Parisi dhe deri në Shqipëri e kishin nën kontroll të pjesshëm.
Në aeroportin e Selanikut 10 policë kanë tentuar ta mobilizojnë dhe njëri prej tyre ka mundur t'i nxjerrë nga xhepi francezit pasaportën.