Në fshatin Dacaj të Komunës së Rozhajës, Mal i Zi, kanë nisur punimet për ndërtimin e shkollës fillore në gjuhën shqipe.
Pas premtimeve shumëvjeçare dhe boshe, Forumi Shqiptar me në krye zv.drejtor Naim Gjokaj dhe Esmin Beqoviq kanë zbritur në terren për nisjen e punimeve.
Shqiptari Esmin Beqoviq i cili mban postin e drejtorit të Investimeve kapitale premton ndërtimin e kësaj shkolle pasi deri më tani shqiptarët janë diskriminuar dhe mënjanuar nga autoritetet malazeze.
Forumi shqiptar premton barazim të kushteve të shkollave shqiptare, me shkolla të tjera në Malin e Zi. Sipas tyre skollat shqiptare do të fitojnë emrat autentike shqiptare, e nuk do të mbajnë emrat e vjetërësuar të komunizmit.
Shqiptarët e Forumit premtojnë fundin e neglizhencës nga regjimet e deritanishme.
