50 banorë në fshatin Gjoricë të Bulqizës kanë përfunduar në spital.
Personat kanë pasur të gjithë simptoma të njëjta si të vjella e diarre, pra shenja helmimi.
Banorët e fshatit nuk janë ndjerë mirë dhe kanë shkuar për ndihmë mjekësore në Qendrën Shëndetësore Gjoricë.
Mësohet se helmimi ka ardhur si rezultat i kontaminimit të ujit të pijshëm, i rrjetit të ujësjellësit, që furnizon gjithë Gjoricën.
Shkaqet e ndotjes së ujit nuk dihen, ndërsa Njësia Vendore e Kujdesit Shëndetësor Bulqizë ka marrë mostrat e ujit për t’ju bërë analizat dhe rezulton se uji është i ndotur.