Pensionistët në Vlorë duhet të paguajnë shezlonget për të bërë plazh, ose ndryshe këtë sezon do të mjaftohen me ujin e dushit. Dhjetra të moshuar kanë denoncuar privatizimin e një pjesë të plazhit publik në Vlorë, i quajtur "Shkëmbi i Doktorit". Ata thonë se ndër vite hapësira publike në bregdet është zaptuar, teksa arritën në ditën që për ta nuk ka mbetur asnjë pëllëmbë rërë e lirë.
Banorët akuzojnë kryebashkiakun Dritan Leli se ka dhënë për shfrytëzim hapësirën publike që përdorej nga pensionistët. Sipas tyre privatizimi është bërë në një pikë të pastër plazhi, pasi zonat e tjera janë të ndotura. Pensionistët thonë se çdo ditë po abuzohet me pronën publike dhe se ndihet në zhgjënjer nga politika.
Ministria e Turizmit njoftoi se këtë vit, qytetarët do të kenë 30% plazh publik, nga 20% e hapësirës që ishte një vit më parë. Mirëpo në terren shifrat nuk pinë ujë pasi qytetarët kanë nisur ankesat se plazhi publik po zaptohet nga privatët.