Procesi i fiskalizimit po rezulton me një kosto tepër të lartë për xhepat e taksapaguesëve shqiptarë. U desh të paguheshin rreth 15 milionë euro fare pak vite më parë për krijimin e këtij sistemi, ndërsa tani duhen edhe 7 milionë euro të tjera për ta mirëmbajtur.
Por mos mendoni se pas këtyre 7 milionë eurove nuk do të ketë më shpenzime të tjera. Themi kështu pasi periudha e mirëmbajtjes është vetëm 2 vjet. Pra këto 7 milionë euro do të nevojiten vetëm për dy vjet, më pas do fillojnë miliona të tjera të dalin nga buxheti i shtetit.
Fituese është shpallur përsëri e njëjta kompani që fitoi edhe tenderin e parë, ish-JEHONA SOFTWARE. Kjo kompani tashmë ka ndryshuar emrin dhe quhet PRIMUS ALBANIA, në pronësi të grupit kroat PRIMUS ADRIATIC d.o.o. dhe administrohet nga Hrvoje Cabrajic.
Ky i fundit është përmendur shpesh nga mediat si i lidhur me skandale të rënda në Kroaci si dhe për lidhjet e tij me Ramën. Duket se Mirlinda Karçanaj e ka “bekuar” përsëri kompaninë e tij duke i dhënë edhe 7 milionë euro të tjera për mirëmbajtje.
Më konkretisht procedura mban numrin e referencës REF-47789-10-28-2022 dhe ka si objekt “Mirëmbajtja e Modulit të Menaxhimit të Kontrollit të Faturimit- për Drejtorinë e Përgjithshme të Tatimeve”.
Fondi limit i tenderit është 769,096,421 lekë të reja pa TVSH ose gati 7.9 milionë euro me TVSH. Fituesi që përmendëm më lart ka garuar në bashkëpunim me firmën tjetër HORIZON shpk në pronësi të Thodhori Dukshi dhe Telemak Qiriazati dhe ka ofruar shifrën 705,428,160 lekë të reja pa TVSH ose gati 7 milionë euro. Kjo shifër fituese është sa 92% e fondit limit të tenderit.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
Heroit të Muajit
KLIKO PËR TË VOTUAR
Djali tek Sheshi Skënderbej
I pari në listë është i riu, që në daljen e tij në sheshin Skënderbej, në fillim të vitit, vendosi që të gëzonte një vajzë të mitur, të pastrehë, që po shijonte vetëm nga jashtë lodrat që ishin vendosur në qendër të Tiranës. Teksa ai e pa, që ajo nuk kishte mundësi ekonomike për të hipur në karusel, e mori dhe bashkë me të shijuan një xhiro.
Qytetari nga Kavaja
Kandidati i dytë është djali nga Kavaja që vendosi t’i hapte derën e shtëpisë Gabrielit, të riut që flinte në rrugët e Tiranës, pasi vuante nga probleme të shëndetit mendor. Ai ishte i vetëm, pasi nuk kishte familje dhe qytetari nga Kavaja vendosi që ta strehonte në banesën e tij.
I riu zemërgjerë
Kandidati i tretë, është i riu nga Tirana, i cili ndaloi makinën në mes të rrugës, në një kohë me shi dhe zbriti nga automjeti për t’i dhënë një palë këpucë dhe një xhup një të moshuare, që po lypte tek makinat, që kishin mbetur në trafik. Ai u kujdes personalisht që ajo t’i vishte ato që i dhuroi dhe më pas u largua.
Djali që ndihmoi të moshuarin
Kandidati i katërt, është një tjetër i ri, i cili po ashtu ndaloi makinën në rrugë për të ndihmuar një të moshuar që i ishte prishur biçikleta. Ai bëri aq sa mundi, që i moshuari të rregullonte biçikletën dhe më pas të largohej drejt banesës së tij.
Greis dhe Rakel
Në vendin e pestë kemi motër e vëlla, Greisin dhe Rakelin, dy të vegjëlit, që detyruan nënën e tyre të ndalonte makinën për t'i dhënë disa të holla një djali të mitur që po lypte në rrugë. I mituri kishte në krahë një fëmjë të vogël dhe kjo preku më shumë motër e vëlla. Ata i lëshuan disa të holla bashkëmoshatarit të tyre dhe më pas u larguan me të ëmën.
