8.6 MILIARD Lekë tendera/ Edhe 100 MILIONË të tjera qyl oligarkëve Hervin Fora dhe Engjëll Hoxha

Shkruar nga: F Tenolli | Publikuar më: 20.01.2023, 11:13

Tenderat e Shëndetësisë që nënkuptojnë në mënyrë të drejtpërdrejtë menaxhimin e taksave tona nga titullarët publikë, për vitin 2023 kanë nisur të shpërndahen në xhepat e të njëjtëve oligarkë të vjetër të kësaj fushe.

Mbi 109 Milionë Lekë pa TVSH i ka dhënë Drejtoresha e Spitalit të Beratit Anila Kala oligarkëve të kompanisë “EUROMED shpk”, Hervin Fora dhe Engjëll Hoxha. Procedura është klasifikuar me Flamur të Kuq pasi janë skualifikuar të gjithë konkurrentët e tjerë në garë pa një motiv konkret.

Në sqarim shkruhet se dy kompanitë e tjera pjesëmarrëse në garë janë skualifikuar për mospërmbushje të kritereve specifike të tenderit të cilat nuk bëhen me dije! Pavarësisht se kompania e Forës dhe Hoxhës ka ofruar vlerën më të lartë në garë është shpallur fituese nga titullarja e Beratit.

Kjo nuk është hera e parë që këta oligarkë shëndetësie favorizohen në këtë fushë. Taksat e qytetarëve shqiptarë u futen në mënyrë klienteliste dhe të korruptuar në xhep biznesmenëve të Shëndetësisë, ndërkohë që shkeljet e tyre të panumërta kalojnë pa u hetuar.

Kompania e oligarkëva ka përfituar nga Shëndetësia mbi 8.6 Miliard Lekë deri më sot. JOQ Albania bën me dije se do të vijojë denoncimin e secilës procedurë prokurimi publike që shënjon ndarjen e parave publike midis shtetit dhe oligarkut në çdo fushë të Republikës!

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
Heroit të Muajit
KLIKO PËR TË VOTUAR
  • Djali tek Sheshi Skënderbej
    I pari në listë është i riu, që në daljen e tij në sheshin Skënderbej, në fillim të vitit, vendosi që të gëzonte një vajzë të mitur, të pastrehë, që po shijonte vetëm nga jashtë lodrat që ishin vendosur në qendër të Tiranës. Teksa ai e pa, që ajo nuk kishte mundësi ekonomike për të hipur në karusel, e mori dhe bashkë me të shijuan një xhiro.
    Qytetari nga Kavaja
    Kandidati i dytë është djali nga Kavaja që vendosi t’i hapte derën e shtëpisë Gabrielit, të riut që flinte në rrugët e Tiranës, pasi vuante nga probleme të shëndetit mendor. Ai ishte i vetëm, pasi nuk kishte familje dhe qytetari nga Kavaja vendosi që ta strehonte në banesën e tij.
    I riu zemërgjerë
    Kandidati i tretë, është i riu nga Tirana, i cili ndaloi makinën në mes të rrugës, në një kohë me shi dhe zbriti nga automjeti për t’i dhënë një palë këpucë dhe një xhup një të moshuare, që po lypte tek makinat, që kishin mbetur në trafik. Ai u kujdes personalisht që ajo t’i vishte ato që i dhuroi dhe më pas u largua.
    Djali që ndihmoi të moshuarin
    Kandidati i katërt, është një tjetër i ri, i cili po ashtu ndaloi makinën në rrugë për të ndihmuar një të moshuar që i ishte prishur biçikleta. Ai bëri aq sa mundi, që i moshuari të rregullonte biçikletën dhe më pas të largohej drejt banesës së tij.
    Greis dhe Rakel
    Në vendin e pestë kemi motër e vëlla, Greisin dhe Rakelin, dy të vegjëlit, që detyruan nënën e tyre të ndalonte makinën për t'i dhënë disa të holla një djali të mitur që po lypte në rrugë. I mituri kishte në krahë një fëmjë të vogël dhe kjo preku më shumë motër e vëlla. Ata i lëshuan disa të holla bashkëmoshatarit të tyre dhe më pas u larguan me të ëmën.
Më të Lexuarat
Shkarkoni aplikacionin JOQ ALBANIA në platformat
Më të fundit