Kontabilisti 50-vjeçar, i cili u gjet i varur në apartamentin e tij në Muschato, mbrëmjen e djeshme, ishte baba i dy fëmijëve. Ai ishte I martuar me një shqiptare, e fundit kjo që raportohet nga mediat greke se ka ardhur në Shqipëri, para se të ndodhte ngjarja.
Për kanalin Alpha, foli e tronditur nëna e 50-vjeçarit, të cilin e cilësonte si një “baba të dashur” dhe se nuk kishte bërë asgjë për të meritur vdekjen në këtë moshë.
“Oh Virgjëresha ime, çfarë të pres tjetër, Krishti im. Ai ishte një baba i dashur. Kudo që shkonte merrte me vete fëmijët e tij, madje edhe në futboll. Ai kishte një familje të bukur. Ai ishte një person i qetë dhe i dashur nga njerëzit”, tha nëna e tij e shkatërruar.
Ndërsa shtoi: “Të kesh një vdekje të tillë? Çfarë dëmi kishte bërë? Çfarë kishte bërë ai për të merituar një vdekje të tillë?”
Ngjarja
Një 47-vjeçare është arrestuar nga autoritetet greke, pasi akuzohet se ka ndihmuar 50-vjeçarin grek, me profesion kontabilist, që t’i japë fund jetës.
Akuza në fjalë është pranuar edhe nga vetë e arrestuara, emri i së cilës nuk është bërë i ditur. Ajo i ka thënë policisë: “e kam ndihmuar, i kam shtyrë karrigen”.
Gruaja ka deklaruar se 50-vjeçari, i cili sipas saj ishte kontabilist, i kishte borxh një shumë të konsiderueshme parash.
Takimi i fundit mes viktimës dhe të akuzuarës
Mediat greke bëjnë me dije se, referuar dëshmisë së 47-vjeçares, në takimin e fundit 50-vjeçari burri ka qenë i dëshpëruar, pasi nuk ka mundur t'i kthejë paratë.
Po në këtë takim ka ndodhur një përplasje mes të dy palëve gjatë së cilës, gruaja pretendon se ka marrë një litar dhe ka tentuar të mbysë 50-vjeçarin. Ky i fundit më pas i është përgjigjur duke thënë se do vriste veten.
“Nuk duroj dot më, do vras veten”, tha ai, kur prapritur mori një karrige. Ai lidhi në qafë litarin që kishte marrë gruaja me vete dhe kjo e fundit i ka shtyrë karrigen.
Ajo raportohet gjithashtu të ketë thënë në dëshminë e saj se kur e pa burrin të varur nuk dinte çfarë të bënte derisa u shfaq policia.
Ajo që po shqyrtohet nga ELAS është nga njëra anë pretendimi i 47-vjeçares se ka pasur mosmarrëveshje financiare dhe çfarë lloj mosmarrëveshjesh kanë qenë me viktimën dhe nga ana tjetër nëse ka pasur një person të tretë në apartament ne Moschato.
Historia
Kontabilisti dhe 47-vjeçarja njiheshin prej dhjetë vitesh dhe lidhja e tyre ishte thjesht profesionale. Pak para orës 18, 47-vjeçarja ka mbërritur në shtëpinë e kontabilistit grek pasi pretendon se 50-vjeçari i kishte zhvatur një shumë të madhe parash.
Në të njëjtën kohë, sipas policisë të shtunën e kaluar persona që kishin investuar para tek kontabilisti kanë shkuar në zyrën e 50-vjeçarit në Kallithea dhe e kanë rrahur.
Sipas të njëjtave informacione, bashkëshortja e 50-vjeçarit, me origjinë nga Shqipëria, ka pasur akses në llogaritë e tij bankare, ka tërhequr para dhe është larguar për në vendin e saj.
