Parfumet dhe rrobat e stilistëve më të njohur ishin ndër gjërat që u gjetën në një apartament, që hetuesit besojnë se ishte shtëpia e bosit të mafias siciliane 'Cosa Nostra', Matteo Messina Denaro.
Kryemafiozi 60-vjeçar, i shpallur në kërkim nga autoritetet italiane që prej vitit 1993, u arrestua teksa po dilte nga klinika private La Maddalena ku kishte shkuar për disa analiza.
Apartamenti ndodhet në një ndërtesë modeste pranë qendrës së Campobello di Mazara, një qytet në provincën perëndimore të Trapanit në Siçili, vetëm pak kilometra nga qyteti i Castelvetrano, vendlindja e Messina Denaro.
Hetuesit gjetën veshje, këpucë, një frigorifer të mbushur mire me ushqime dhe fatura restoranti, thanë burimet e gjykatës.
"Ai kishte një jetë normale, shkonte vetë në supermarket", tha gjyqtari Paolo Guido, një nga zyrtarët që hetonte Messina Denaro, ndërsa fqinjët e përshkruan atë si një person miqësor.
Messina Denaro njihet se ka dobësi për artikujt luksoz si syzet e diellit dhe veshjet. Në momentin e arrestimit ai mbante një orë me vlerë 35 mijë euro.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
Heroit të Muajit
KLIKO PËR TË VOTUAR
Djali tek Sheshi Skënderbej
I pari në listë është i riu, që në daljen e tij në sheshin Skënderbej, në fillim të vitit, vendosi që të gëzonte një vajzë të mitur, të pastrehë, që po shijonte vetëm nga jashtë lodrat që ishin vendosur në qendër të Tiranës. Teksa ai e pa, që ajo nuk kishte mundësi ekonomike për të hipur në karusel, e mori dhe bashkë me të shijuan një xhiro.
Qytetari nga Kavaja
Kandidati i dytë është djali nga Kavaja që vendosi t’i hapte derën e shtëpisë Gabrielit, të riut që flinte në rrugët e Tiranës, pasi vuante nga probleme të shëndetit mendor. Ai ishte i vetëm, pasi nuk kishte familje dhe qytetari nga Kavaja vendosi që ta strehonte në banesën e tij.
I riu zemërgjerë
Kandidati i tretë, është i riu nga Tirana, i cili ndaloi makinën në mes të rrugës, në një kohë me shi dhe zbriti nga automjeti për t’i dhënë një palë këpucë dhe një xhup një të moshuare, që po lypte tek makinat, që kishin mbetur në trafik. Ai u kujdes personalisht që ajo t’i vishte ato që i dhuroi dhe më pas u largua.
Djali që ndihmoi të moshuarin
Kandidati i katërt, është një tjetër i ri, i cili po ashtu ndaloi makinën në rrugë për të ndihmuar një të moshuar që i ishte prishur biçikleta. Ai bëri aq sa mundi, që i moshuari të rregullonte biçikletën dhe më pas të largohej drejt banesës së tij.
Greis dhe Rakel
Në vendin e pestë kemi motër e vëlla, Greisin dhe Rakelin, dy të vegjëlit, që detyruan nënën e tyre të ndalonte makinën për t'i dhënë disa të holla një djali të mitur që po lypte në rrugë. I mituri kishte në krahë një fëmjë të vogël dhe kjo preku më shumë motër e vëlla. Ata i lëshuan disa të holla bashkëmoshatarit të tyre dhe më pas u larguan me të ëmën.
